--Ads--
Dead on arrival ti lalaki a nagmotorsiklo kalpasan a natukbobna ti trak iti national highway ti Barangay Immayos Norte, San Juan, Ilocos Sur.
Ti Isuzu Truck Wing Van ket minaneho ti lalaki nga agtawen iti limapulo ket tallo, taga-Santa Rita West, Aringay, La Union.
Ti met motorsiklo ket minaneho ti lalaki nga agtawen iti tallopulo ket tallo, construction worker, taga-Barangay Baliw, San Juan.
Agpapa-amianan ti trak ket idi agsikko nga agpadaya ket natukob daytoy ti napaspas ti patarayna a nagmotorsiklo.
-- ADVERTISEMENT --
Nagsagaba iti nakaro a dunor iti ulo ti nagmotorsiklo ket naitaray iti ospital ngem naideklarar a dead on arrival.
Saan met a naan-ano ti drayber ti trak ken ti inluganna.
