--Ads--
Dead on arrival ti maysa a drayber ti motorsiklo gapu iti aksidente idiay Barangay Santo Tomas, Candon City, Ilocos Sur.
Nabigbig ti drayber a ni Cedrick Tabuso, agtawen iti sangapulo ket siam, construction worker, taga-Barangay Amguid.
Agpapa-amianan ti lugan idin ta saan a nakontrol ti drayber ti manibela ti luganna isu a naguyas iti akin-kannawan a paset ti kalsada ket naidungpar iti semento a pader iti daya a paset.
Gapu dayta, nagsagaba iti dunor ti drayber a naipaagas iti ospital ngem saanen a naispal ti biagna.
-- ADVERTISEMENT --
