--Ads--
VIGAN CITY – Dead on arrival ti maysa a lalaki a nagmaneho iti motorsiklo gapu ti pannakaidungparna ti alad iti Epectos Bar idiay Barangay Pangada, Sta. Catalina, Ilocos Sur.
Nabigbig ti nagmaneho iti Honda Beat a motorsiklo a ni Jonathan Alvarez Pajara, agtawen iti uppat a pulo ket dua, taga-Barangay Fatima, Vigan City.
Agpapa-abagatan ti motorsiklo idin ta saanna a nakontrol ti manibela ti luganna ket naidungpar iti alad ti nasao a bar.
Naipaagas iti Metro Cooperative Hospital, Bantay ti drayber ngem saanen a nakalasat.
-- ADVERTISEMENT --
Natakuatan a nakainom iti arak ti drayber idi mapasamak ti insidente ken awan ti suota a helmet.
