--Ads--
VIGAN CITY – Nadunor ti nadumaduma a paset ti bagina ti lalaki a nagmaneho iti motorsiklo gapu ti pannaka-aksidentena idiay Barangay Poblacion, San Vicente, Ilocos Sur.
Nabigbig ti drayber iti Honda Click 125 a motorsiklo a ni Raymark Rabara Presto, agtawen iti duapulo ket lima, taga-Barangay Bayubay Sur, San Vicente.
Agpapadaya ti motorsiklo ket idi nadanunna ti nakapasamakan ti insidente kangrunaan iti kurbada a paset ti kalsada, naawanan ti kontrol ti drayber iti manibela ti luganna ket naidungpar iti poste.
Gapu dayta, nadunor ti nadumaduma a paset ti bagi ti drayber a naipaagas iti ospital para iti pannakatamingna.
-- ADVERTISEMENT --
Natakuatan a nakainom ti drayber idi mapasamak ti insidente.
