--Ads--
VIGAN CITY – Naipaagas iti ospital ti maysa a nagmaneho iti motorsiklo gapu iti pannaka-aksidentena iti Barangay Bayubay Sur, San Vicente, Ilocos Sur.
Nabigbig ti drayber ti Rusi motorcycle a ni Dandan Refuerzo Presto, agtawen iti duapulo, construction worker, taga-Barangay San Julian Norte, Vigan City.
Agpapa-abagatan ti motorsiklo idin ta saanna a nakontrol ti manibela ti luganna iti agpadaya ket nagslide iti kalsada.
Nadunor ti nadumaduma a paset ti bagi ti drayber a naipaagas iti ospital para iti naan-anay a pannakatamingna.
-- ADVERTISEMENT --
Nakainom ti drayber idi mapasamak ti aksidente ken adda suotna a helmet.
