--Ads--
VIGAN CITY – Panaglabsing iti Article 151 iti Revised Penal Code ti kaso a sangwen ti maysa a lalaki a nanggandat nga aglibas iti quarantine checkpoint idiay Brgy. Bio, Tagudin.
Nabigbig ti suspek a ni Ruston Dumalagan, agtawen ti duapulo ket maysa nga agnaed iti Agdeppa, Bangar, La Union.
Agmanmaneho iti motorsiklona ni Dumalagan idi linabasanna ti quarantine checkpoint a mangpaspasardeng kenkuana.
Gapu iti dayta, sinurot dagiti naka-duty a frontliner ti suspek agingga idi madanundan ti Brgy. Salvacion iti nasao met laeng nga ili nga isu ti nakakemmeganda kenkuana.
-- ADVERTISEMENT --
