Lalaki a nagbekkel iti ili ti Caoayan, naisalbar

VIGAN CITY – Manarimaan iti pannakaobserba iti ospital ti maysa a lalaki nga agtawen ti duapulo ta nagbekkel iti ili ti Caoayan idi rabii.

Maibasar iti imbestigasyon, mariribukan ti lalaki ta nagsinada ti nobyana isu nga impakammona iti parikotna iti ikitna ket naibingayna nga awan iti sabali a solusyon nu saan a ti pannakatayna.

Kalpasan iti panagsaritada ket nagpukaw ti biktima isu a sinapol ti ikitna ket nakitada laengen a nagbekkel iti kamantiris babaen iti nylon a tali.

Gapu iti dayta ket insigidada a naipan iti Ilocos Sur Provincial Hospital Gabriela Silang para iti pannakatamingna.

Kabayatanna, saan nga a tubo ti probinsia ti nasao a lalaki ta agserserbi laeng kas caretaker iti nasao nga ili.