--Ads--
Natay bayat a matamtaming iti balay pagagasan ti maysa a lalaki a na-aksidente idiay Barangay Bulala, Vigan City.
Ti nagmaneho ti Suzuki Raider motorcycle ket agtawen iti duapulo ket tallo, residente ti Barangay Ayusan Sur, iti nadakamat a siudad.
Basar iti imbestigasion, agpapadaya a direksion ti motorsiklo ket idi nadanon na ti nakapasamakan ti insidente, partikular iti kurbada a paset ti kalsada, na-overshoot ken naawan ti kontrol ti drayber isu a naidungpar iti poste iti right shoulder ti kalsada.
Nagsagaba iti drayber ti motorsiklo ti head injury a dagus a naitaray iti balay pagagasan ngem pimmusay bayat a matamtaming. Naammuan nga awan ti suot nga helmet ti nag-motorsiklo ken adda iti impluwensia ti arak idi napasamak ti insidente.
-- ADVERTISEMENT --
