Lalaki a nadungpar ti van, nadunor

Nadunor ti nadumaduma a paset ti bagi ti maysa a lalaki a nadungpar iti van iti national highway ti Sta. Lucia, Narvacan, Ilocos Sur.

Ti pedestrian ket agtawen iti duapulo ket maysa, taga-Barangay Margaay.

Ti met drayber ti van ket lalaki nga agtawen iti tallopulo ket siam, agnaed iti La Paz, Abra.

Agpapa-amianan ti van idin ta bigla a bimmallasiw ti pedestrian a puon ti pannakadungparna.

Naipaagas iti ospital ti pedestrian para iti pannakatamingna ken naduktalan a daytoy ket nakainom idi mapasamak ti aksidente.