VIGAN CITY – Nakemmeg ti maysa a lalaki kalpasan a naduktalan nga adda sangsangwenna a kaso idi mapan mangala iti police clearance-na iti Narvacan Municipal Police Station idiay Barangay San Antonio.
Nabigbig ti akusado a ni Reynante Danlog Corpuz, agtawen iti limapulo ket tallo, naasawaan, agnaed idiay Barangay Nagtupakan, Sta Maria.
Nag-apply ni Corpuz ti National Police Clearance ngem nagparang manipud iti NPCS babaen ti E-warrant nga adda ti warrant of arrest na gapu iti panaglasbingna ti Anti-Violence Against Women and their Children Act.
Ti warrant of arrest-na ket imparuar ti Presiding Judge RTC San Fernando a napetsaan iti May 05, 2012 ken nairekomendaran iti uppat a pulo a ribo a pisos a pyansa para ti temporaryo a pannaka-wayawayana.
