--Ads--
Pursigido ni Senate President Pro-tempore Ping Lacson a mailanad iti session inton Lunes, Mayo 4 ti progress report dagiti panagdengngeg ti Senate Blue Ribbon Committee mainaig iti maanomalya a flood control project.
Dayta ket uray no kweskwestionaran ni Senate Minority Leader Alan Peter Cayetano ti atension nga intedna iti partial committee report a manmano pay laeng ti naduktalan imbes a kitaen ti pakabuklanna.
Segun ken ni Lacson, desidido isuna a mangireport iti plenaryo ti linaonna ken no nagpatinggaan ti naaramid ti BRC kalpasan dagiti 8 a panagdengngeg.
Kunana nga adda rason no apay nga aramidenna daytoy, ta mamati a nasken laeng a maammuan dagiti Pilipino ti kinapudno iti baet dagiti saan a husto nga ibagbaga dagiti kritiko.
-- ADVERTISEMENT --
