Kwinestyunaran ni Senador Panfilo Lacson ti mamin-ano a daras a pannaka-ospital iti sumagmamano a personalidad no sumangsangoda ti warrant of arrest wenno na-cite in contempt.
Dayta iti pinasingkedan ni Lacson idi nasaludsod maipanggep ti pannaka-ospital ni Senador Rodante Marcoleta a sumangsango kadagiti kaso a plunder ken graft iti Sandiganbayan.
Segun ken ni Lacson, nabayagen a mapanpansinna a no adda makemkemmeg wenno makon-contempt, ket maispital ken arigna rumuar laeng dagiti rikriknaenda no nairuaren ti warrant-da.
Dinakamat pay ti senador ti immunan a saritana iti X a mangibagbaga a maiparit iti agsakit ta nangina iti agas ken maiparit iti warrant ta amangan no agsakit.
Ti nasao nga obserbasyon ket nakabasar kadagiti saludsod iti publiko no apay a sumagmamano a personalidad a sumangsango iti kaso ket iti ospital iti pakaipapananna imbes nga insigida a maidalan iti kustodita.
Dinakamat ni Lacson ti pannaka-ospital da dati a Public Works Secretary Manuel Bonoan ken Senador Rodante Marcoleta nga agpada a sumangsango kadagiti kaso iti Sandiganbayan.
