Imbutaktak ni Senador Panfilo Ping Lacson nga adda maipagarup a P6.79 bilyon insertions ni Senador Alan Peter Cayetano iti 2025 General Appropriations Act (GAA).
Pinasingkedan ni Lacson a basar iti panagsukisok da, adda kabuklan a 70 a proyekto ti nakaipalaon iti nadakamat a pondo, no sadino 68 ti naipatungpal ken dua ti saan a naituloy.
Impaganetget ni Lacson nga adda contractor idiay Taguig ti maipagarup a nangibaga kadakuada nga umabot iti 25 a porsiento ti maipagarup a ‘kickback’ ni Cayetano kadagiti proyekto ngem dumaldalan pay laeng detuy iti beripikasion.
Innayon ti senador a naammuan dan ti maipagarup a ‘bagman’ ni Cayetano wenno tao a dumaldalanan ti kickback ngem nagkedked pay laeng nga ibaga ti nagan na bayat nga agtultuloy ti panagala da ti ebidensia.
Mabalin da nga alaen ti patangan iti Office of the Ombudsman ngem kaykayat na nga idatag pay laeng nga umuna iti Senate Blue Ribbon Committee tapno masuportaran dagiti testigo ken dokumento.
