Nagpanawagan manen dagiti labor group ken ni Presidente Ferdinand Marcos Jr a masertipikaranen kas urgent ti P200 wage hike bill iti pagilian.
Inulit dagiti miembro ti National Wage Coalition ti apelada kagiddan ti panangiduronda a masertipikaran ti gakat tapno masigurado ti pannakaipasana iti 19th Congress.
Nag-break ti Kongreso idi Pebrero 5 para iti campaign period ita a tawen.
Idi Pebrero, inaprubaran ti kamara iti maikadua a pannakaibasa ti House Bill No 11376 wenno Wage Hike For Minimum Wage Workers Act a mangted iti daily rate kadagiti amin a minimum wage workers iti pribado a sektor a ngumato iti P200 ti inaldaw a sueldoda, uray pay no ania ti estadoda iti pagubraan. Inallukoy pay ti grupo ni Marcos a makitaripnong kadagiti labor leader
