Imbutaktak ni Senate President pro-tempore Jinggoy Estrada a saan laeng nga uppat a pulo wenno duapulo ket walo iti lugan a kukua ti pamilia Discaya nu diketdi walopulo.
Ti addang ket kalpasan a sinapul ti Bureau of Customs (BOC) ti property dagiti Discaya iti siudad ti Pasig ket tallo a luxury vehicles laengen iti naabotanda.
Iti plenary session, kinuna ni Estrada a walopulo a lugan iti kukua dagiti agasawa a da Sara ken Curlee Discaya ken ti kompaniada a nasurok kumurang uppat a pulo iti luxury cars.
Innem a pulo ket tallo iti nakarehistro iti Land Transportation Office (LTO) karamanen dagiti luxury vehicle a pinasingkedan ni Sarah Discaya iti panagdenggeg iti Senado.
Sangapulo ket pito met iti awan iti records iti LTO ngem tallo iti naibaga a lugan ni Discaya bayat iti imbestigasyon ti Blue Ribbon.
Impaganetget ni Estrada nga adu iti saan nga imbaga a kukua a lugan ni Discaya iti panagdenggeg idiay Senado idi kalman ket idi nasaludsod nu ma-contempt ni Discaya ket kinunana a padaanan laengen iti sumaruno a panagdenggeg inton September 8.
Karaman iti mapaayaban inton sumaruno a panagdengngeg iti asawa ni Sarah a ni Curlee.
