--Ads--
Pimmutok ti Krasheninnikov volcano idiay Kamchatka Peninsula, Russia, kalpasan ti innem a gasut a tawen, segun kadagiti siyentipiko.
Posible nga adda pakainaiganna daytoy iti gingined idi napan a lawas a nangitunda iti tsunami warning iti French Polynesia ken Chile.
Naudi a pimmutok ti bulkan idi 1463, ket sipud idin, awanen ti aktibidadna a nairekord.
Segun iti Emergency Services idiay Kamchatka, umabot iti innem a kilometro ti kangato ti naipuswak a dapo ti bulkan.
-- ADVERTISEMENT --
Naibayog iti orange aviation alert ti bulkan, a mangipasimudaag iti peggad kadagiti lugan para iti tangatang gapu iti nagwaras a dapo.
Agtultuloy ti panangmonitor dagiti otoridad iti sitwasyon ti bulkan ken kadagiti posible a seismic activity-na.
