--Ads--
Naisublin iti Bureau of Internal Revenue ti kontrobersial a green box a naglaon ti tax records da Vice President Sara Duterte ken ti asawa na a ni Atty. Manases Mans Carpio.
Ti nadakamat a karton ken dati a naipaima iti House of Representatives ken naipasa iti Senado tapno agbalin nga ebidensia kuma ti House Prosecution Panel kontra ken ni VP Sara.
Immuna nga imbilin ni Senator-judge Francis Chiz Escudero ti panangisubli ti nadakamat a karton iti BIR gapu ta awan ti court order a nangibilin para iti legal a panagiyakar ti kustodiya a mapan iti Senado.
Indauloan ni Senate Secretary ken concurrent clerk of court Renato N. Bantug Jr. babaen ti Office of the Sergeant-at-Arms (OSAA) ti panangisubli ti karton iti BIR idiay Quezon City.
-- ADVERTISEMENT --
