Nakemmeg ti maysa a lalaki iti naiwayat a buy-bust operation idiay Bantay, Ilocos Sur.
Ti suspek ket agtawen iti tallopulo ket maysa, naasawaan, konduktor iti Florida Bus, taga-Cabugao.
Nakumpiskar ti nasurok kumurang maysa gramo ti mapapati a shabu nga aggatad iti P6,800 a naipan iti uppat a heat-sealed small transparent plastic sachets a nagserbi a buy-bust item.
Dagiti non-drug evidence a naala manipud iti suspek ket ti genuine PhP500.00 a buy-bust money, dua a piraso ti Php1,000.00 boodle money, glass toother a maipagarup a naglaon iti shabu residue, plastic sachet nga awan kargana, tallo a piraso ti lighter, maysa a piraso ti pink pouch, cellphone, dua a piraso ti cotton buds, getteng, maysa a piraso ti nalukot a tissue paper, improvised plastic scope, ken PhP20,076.00.
Sangwen ti suspek ti kaso a panaglabsing iti Republic Act 9165 wenno Comprehensive Dangerous Drugs Act of 2002.
