Impresentar ti Bangko Sentral ng Pilipinas (BSP) ken ni President Ferdinand Marcos Jr. ti kaunaan a kumpleto a set ti Philippine polymer banknote.
Maipalagip a ti one-thousand-peso bill polymer pay laeng iti iggem iti publiko manipod April 2022 ket ita ket inawat ni Pres. Marcos iti 50, 100 ken 500-peso bill.
Target ti BSP nga agbalinen nga available iti sirkulasyon ti kuarta iti umuna a quarter iti 2025.
Segun ken ni BSP Governor Eli Remolona, gagem ti polymer bills a mapagtalinaed iti nadaldalus, natibtibker ken narigrigat a mapeke a peso bills iti pagilian.
Tampok iti polymer banknotes iti nabaknang a biodiversity ken cultural heritage iti pagilian wenno dagiti imahe ti native ken protected species karamanan ti tradisyunal a disensyo ti weave designs.
Iti sangwanan ti 100-peso bill ket adda disensyona a Palawan pea-cock-pheasant ken Ceratocentron fesselli.
Iti 50 peso bill ket nakapan ti Visayan leopard cat ken Vidal’s lanutan ken ti 1000 peso bill ket adda disensyona a Tubbataha Reefs Natural Park, South Sea pearl ken T’nalak weave design.
Iti 500 peso bill ket nakapan ti Puerto Princesa Subterranean River National Park, blue-naped parrot, ken southern Philippine weave design; iti 100-peso bill ket iti Mayon Volcano, whale shark ken Bicol Region weave design; ken iti 50 peso bill ket nakapan iti Taal Lake, native maliputo fish ken Batangas embroidery design.
Inikkat ni President Marcos iti danag iti publiko inaig iti pannakaikkat ti sirkulasyon ti paper banknotes isu a kinunana nga agtalinaed latta iti pannakaaramat ta nag-upgrade laeng iti currency ken siguradoenda a natalged iti kuarta.
