Suspendido ti klase iti amin a lebel ti publiko ken pribado a pagadalan ken trabaho to public offices ti probinsia ti Ilocos Sur inton bigat, September 22, 2025 kas panagsagana ti panagdupprak ti Super Typhoon “Nando”.
Amin nga ahensia a mangipapaay iti emergency services ken disaster risk reduction management – kangrunaan ti Provincial Disaster Risk Reduction and Management Office, local disaster risk reduction and management offices, member agencies ti Provincial Disaster Risk and Reduction Management Council, ken amin a health services – ket masapul nga agtrabaho latta tapno masigurado ti napateg a serbisioda iti publiko.
Nakadepende met kadagiti pribado a business establishment ti panangideklararda iti suspension, kas mayataday iti DOLE Labor Advisory No. 17, Series of 2022.
Amin a local government units ket mabilin nga i-activate ti Emergency Operation Centers ken Incident Management Teams-da, mangisayangkat iti pre-emptive evacuation kadagiti lugar a nalaka a malayus, ag-landslide, ken kadagiti kabaybayan, kasta payen ti nainget a pannakikammayet kadagiti barangay official.
Nabalakadan ti publiko nga agridam ken sumurot no ania ti mayulog a pammilin.
