--Ads--
Impakaammo ti Home Development Mutual Fund wenno Pag-Ibig Fund a ngimmato ti dandani 50 percent ti kita da manipud it panagpuonan nga immabot iti P9.43 bilyon idi napan a tawen.
Pinasingkedan ti state-run home lender a ti napigpigsa nga investment earning ket nakatulong tapno pumigsa ti Pag-Ibig financial standing.
Immabot iti P1.23 trilyon ti kabuklan nga asset ti Pag-Ibig a ti P922.07 bilyon ket nakalatang iti housing-related assets, P96.41 iti short-term loans ken P190 bilyon iti income-generating investments.
Kabayatanna, ti nabatbati a P25 bilyon ket buklen ti dadduma pay nga asset kas ti sanikua, alikamen, kuwarta, ken intangible assets.
-- ADVERTISEMENT --
