Pinatibker ni Pres. Ferdinand Marcos Jr. ti kammayet iti Pilipinas iti European Union ken Japan iti agsina a bilateral meetings iti sidelines iti 47th ASEAN Summit and Related Summits.
Iti taripnongna ken ni European Council President Antonio Costa, sinigurado ni Marcos ti kinasagana iti Pilipinas nga yatiddog ti kooperasion iti biang ti trade ken panagpuonan, kagiddan ti panangipatangken ti multilateralism ken panangpatibker iti rules-based international order.
Impakita pay ti suportar ni Costa iti agbalin a chairship iti Pilipinas iti ASEAN inton 2026 ken Siguradoenna nga agtultuloy iti pannakitinnulong ti European Union kadagiti isyu iti rehiyon.
Kabayatanna, karaman kadagiti tampok iti Summit ti historical first bilateral meeting ni Marcos ken ni Japan Prime Minister Takaichi Sanae, a kaunaan a babai a lider iti Japan.
Impaganetget dagiti dua a lider a patibkerenda ti defense ken security cooperation iti dua a pagilian kangrunaan ti pannakaipatungpal ti Reciprocal Access Agreement (RAA) a napirmaan idi September 2025.
Kagiddan dayta ket impaganetget ti Pilipinas ken Japan ti kinapateg ti Trilateral Cooperation kadua iti Amerika kas adigi iti kappia, kinatibker ken panagdur-ad iti Indo-Pacific region.
