Tallo a baro a kaso ti Covid19 ti nainayon manen iti probinsia iti nagpatnag isu nga umaboten iti sangagasut sangapulo ket uppat ti kaso.
Ti IS-C112 ket maysa nga agtawen iti tallopulo ket lima a lalaki a taga-Sta.Cruz, asymptomatic, awan ti travel history-na ken nai-expose iti maikasiam a pulo ket pito a pasyente ken maikasangagasut ket tallo.
Maysa a senior citizen nga agtawen it pitopulo ket maysa a lalaki a taga-San Miguel, Tagudin ni IS-C113 a narigat nga umanges.
Nakarikna pay ti Angina , Diarrhea, datin nga adda sagubanitna, adda travel history-na idiay San Fernando, La Union ken adu ti nakapulapolna.
Kabayatanna, ni IS-C14 ket agtawen iti tallopulo ket maysa a lalaki a taga Libtong, Tagudin, asymptomatic, awan ti travel history na ken nai-expose ken nakapulapolna ni IS-C10.
Nupay kasta, mangrugi iti November 26 agingga December 3 ket maidalan iti Extreme Enhanced Community Quarantine dagiti lugar a naibilang a critical zone, MECQ dagiti containment zone ken GCQ dagiti buffer zone.
