Matuloy latta ti kaso kontra kada Senador Joel Villanueva ken Senador Francis Chiz Escudero, segun ken ni Ombudsman Jesus Crispin Boying Remulla.
Daytoy ket iti baet dagiti alegasion a makaapekto kadagiti kaso ti panagakar dagiti dua a senador iti agdama a mayorya ti Senado.
Maipalagip nga inakusaran ni senador Villanueva ni dati a DPWH Bulacan First District engineer Henry Alcantara a nakaawat ti maipagarup a P150 milyon a gatad ti kickback para iti multi-purpose building project iti probinsia.
Ni met senador Escudero ket naakusaran met nga immawat ti maipagarup a kickbacks manipud iti flood control projects.
Binabalaw ni Ombudsman Remulla dagiti pakadanagan a maipagarup a tartargeten ti anti-graft body ti baro a minorya ti Senado.
Segun ken ni Remulla, awan daytoy ti kina-agpayso na no sadino maipalagip a kaadduan kadagiti nakabalud ita ken kaalyado-da.
