Nakapsut ti sektor ti agrikultura a nadanon ni Presidente Ferdinand Marcos Jr iti nagtugaw kas presidente ti pagilian.
Segun ken ni Presidente Marcos, iti naglabas nga administrasyon, kakaasi ti sasaaden dagiti mannalon agsipud ta nangina pay ti presyo dagiti magatang.
Daytoy ti bambantayan ken pap-papigsaen ita ti administrasyon tapno maingato ti kasasaad dagiti mannalon iti pagilian.
Impannakkel ti presidente nga iti las ud ti dua a tawen ket nakaipatakder ti gobierno iti 150 rice processing plant, agraman dagiti coconut processing plant a manayonan pay iti salinong ti terminona.
Impasiguradona ti agtultuloy a suporta kadagiti mannalon ken ti addang nga ar-aramiden ti gobierno para iti sektor ti agrikultura a nakapsut a nadanonna ken nalaokan iti adu nga isyu.
