VIGAN CITY-Naka ICU itatta ti kapitan ti Brgy. Poro, Magsingal idinto nga agpapaimbag met ti live-in partner na gapu kadagiti donor a sinagrap da iti panangpaltog iti saan a nabigbig a suspek idiay Casili, Sto. Domingo, Ilocos Sur.
Nabigbig dagiti biktima a da Brgy. Capt. Angelito Torricer, 57 ken ti live-in partner na a ni Mary Ann Raquel, 35 nga agpada a taga Brgy. Puro, Magsingal .
Segun kenni P/Senior Insp. Robert Valiente, hepe ti PNP-Sto. Domingo, nakalugan ti motorsiklo dagiti biktima idi sinabet ken pinaltugan isuda dagiti saan a nabigbig a suspek a nakamotorsiklo .
Tallo a basyo ti bala ti caliber .45 iti naala dagiti otoridad iti nakapasamaknan iti insidente.
Kinuna ni Valiente a posible a nakita ti biktima ti suspek ta napasungadan na daytoy isu a nagsalikko .
Imimbestigaran dagiti otoridad iti motibo ken pakabigbigan dagiti suspek.
