Inrusat ti Department of Migrant Workers ken Overseas Workers Welfare Administration ti ‘Kamusta Kabayan’ app a mabalin nga idownload dagiti Overseas Filipino Worker kadagiti mobile phone-da para iti napaspaspas ken nadardaras a tulong wenno ania man nga emergency.
Ti Kumusta Kabayan app ket maysa a digital welfare monitoring system a ti gagemna ket masigurado ti kinatalged ken sitwasyon dagiti OFW iti sadino man a paset ti lubong.
Karaman iti app ti kompleto a hotline number ti DMW-OWWA a 1348 a mabalin a tawagan dagiti OFW iti 24/7 para iti ania man nga emergency.
Babaen iti app, dagiti OFW ket alisto a makatawag iti DMW para iti ania man a tulong manipud iti DMW AKSYON Fund, kas ti repatriation, legal, pinansial ken reintegration assistance.
