Nagipila iti Office of the Ombudsman ti kampo ni dati a House Speaker ken Leyte Rep. Martin Romualdez ti supplemental counter-affidavit maipanggep kadagiti alegasion iti mapapati a flood control projects.
Kinumpirmaran ni Atty. Felix Villa a maysa kadagiti abogado ni Romualdez, ti panagipila ti dokumento.
Immunan a pinasingkedan ni Atty. Ade Fajardo a nayon ti supplemental counter-affidavit dagiti nasapataan a sarita iti 25 bodyguard ni dati nga Ako Bicol Rep. Zaldy Co a manamnama a mangkontra kadagiti immunan a testimonia iti naibilang a “Maleta Boys”.
Mapapati pay a nairaman ti naipasa a dokumento ti naireport a panangibabawi ni Orly Guteza iti immunan a saritana maipanggep ken ni Romualdez iti mapapati a cash deliveries.
Impaganetget ti kampo ni Romualdez a dagiti baro a sarita ken recantation ket paset iti depensada kontra kadagiti alegasion maipanggep iti dati a House Speaker iti mapapati nga anomalia iti flood control projects.
