VIGAN CITY – Natalek ni University of Northern Philippines (UNP) Athletic Director Ronilo Palma nga ag-kampeon dagiti atleta ti UNP iti State Colleges and Universities Athletic Association (SCUAA) 2020 a mangrugi tatta nga aldaw idiay Mariano Marcos Memorial State University, Batac, Ilocos Norte.
Ti pannaki-uman ti Bombo Radyo Vigan ken ni Palma, tallo gasut siyam a pulo ket uppat ti pakabuklan a delegasyon ti UNP a pakaibilangan dagiti dua gasut uppat a pulo ket siyam nga atleta a dagiti dadduma kadakuada ket adda da iti venue ti pay-ayam sakbay iti opening ceremonies tatta nga aldaw tapno padasendan dagiti venue a pagay-ayamanda idinto a dagiti dadduma ket simmaruno da a napan agsipud ta dagiti dadduma nga atleta ket miyembro da iti street dancing competition ti Longganisa Festival a naisayangkat idi January 18.
Karaman kadagiti sports event a pakisalipan dagiti UNP athletes iti pomsei ken arnis ket ti mangabak, isunto ti mangibagi manen para iti National SCUAA.
Agyam-yaman iti sibubukel a UNP delegation para ti SCUAA 2020 gapu iti nairot a suporta ti UNP management nga idaulwan ni UNP President Dr. Erwin Cadorna.
