Nagleppasen ti kampania iti Paris Olympics dagiti Filipina gymnast a da Levi Ruivivar, Emma Malabuyo, ken Aleah Finnegan ta napaayda a nakastrek ti Top 24 ti artistics gymnastics a napasmaak idiay Bercy Arena.
Limmabanda ti Subdvidion 3 a nangrugi ti balance team.
Naala ni Ruivivar ti 11.866 points; ni Finnegan ket 11.466 points ken 12.233 points ni Malabuyo.
Iti floor exercise ket 12.733 ti naala ni Finnegn; adda 13.100 ni Malabuyo ken 12.433 ni Ruivivar.
Naleppas ti rotation ti uneven bars a nakaalaan ti puntos a 12.500 ni Malabuyo, 12.566 ni Finnegan ken 13.200 ni Ruivivar.
Nagtabla da Ruivivar ken Malabuyo a maika-28 ken 29 babaen ti puntos a 51.099 idinto a ni Finnegan ket maika-33 ta 50.498 a puntos.
Nupay napaay dagiti tallo ket pakasaritaan ti pannakilabanda iti uneg iti innem a pulo a tawen ta ita laeng nga adda pambato iti paglian iti gymnasts iti Olympics.
