Umapela ti kamara iti desisyon ti Korte Suprema a nangideklarar nga unconstitutional ti impeachment case kontra ken ni Vice President Sara Duterte.
Segun ken ni Atty. Princess Abante, pannakangiwat ti kamara, sinurotda ti husto a proseso maibasar iti konstitusyon ken dagiti immuna a desisyon ti Korte Suprema.
Impaganetgetna a naaprubaran iti plenaryo idi February 5, 2025 ti panangipatulod iti Articles of Impeachment iti Senado, ken nalawag daytoy a nakailanad iti official record ti kamara.
Binabalaw ti kamara ti baro a pagibasaran iti due process nga impataw ti korte, a mapapati nga awan iti konstitusyon, kas panangted iti gundaway iti respondent a makasungbat sakbay pay a maipatulod idiay Senado ti reklamo.
Kas sungbat, mangipila iti Motion for Reconsideration ti kamara ken ikalintegan a husto ti nagbalin a proseso.
