Target a leppasen ti Kamara ti sangapulo ket pito iti limapulo ket dua a Common Legislative Agenda ng Legislative-Executive Development Advisory Council (LEDAC) sakbay a ma-adjourn ti session ita a lawas para iti Holy Week break.
Segun ken ni House Majority Leader ken Ilocos Norte Rep. Ferdinand Alexander Marcos, ipakita daytoy ti kinasagana ti Kamara nga agtrabaho tapno mapagbalin a linteg dagiti gakat a makapalung-aw kadagiti ordinaryo a Pilipino.
Iti sangapulo ket pito, uppat ti nakatuding a maaprobaran iti maikatlo ken maudi a pannakaibasa a pakairamanan ti Digital Payments Act, panang-amyendar iti Universal Access to Quality Tertiary Education Act, ken ti gakat a Presidential Merit Scholarship Program.
Dua met a gakat ti adda iti Bicameral conference committee a pakairamanan ti National Center for Geriatric Health bill ken ti gakat a panangiyakar iti umuna nga eleksion ti Bangsamoro Autonomous Region in Muslim Mindanao.
