Nangipasa ni Parañaque 2nd District Rep. Brian Yamsuan ti House Bill 7868 a ti gagemna ket mangparnuay iti napaut a plano a mangtaming iti kinakurang dagiti libro kadagiti publiko a pagadalan.
Segun ken ni Yamsuan, babaen iti gakat, mangaramid ti DepEd ken NBDB iti National Textbook and Learning Resources Plan tapno masigurado ti umdas, napabaro, ken de kalidad a learning materials, agraman ti regular a panangrepaso kadagiti libro a pagadalan iti tunggal lima a tawen.
Karaman pay iti singasing ti pannakapalawa ti panagimprenta kadagiti rehion, pannakitinnulong iti pribado a sektor iti panagipablaak ken panagiwaras, pannakabigbig dagiti e-book, pannakapataud dagiti material para kadagiti estudiante nga addaan iti depekto, ken pannakaipasdek dagiti komite a mangtingiting iti kalidad dagiti libro.
Ti panggepna ket tapno mapasayaat ti panagbasa ken panagsursuro dagiti estudiante kadagiti publiko nga eskuelaan.
