Mabalin nga i-ngato ti nalawa a proteksion iti pannaka–lugi dagiti mannalon ken mangngalap kalpasan nga aprubaran ti House of Representatives iti maikatlo ken pinal a pannakaibasa ti gakat a mangpapigsa ti Philippine Crop Insurance Corp. (PCIC).
Iti salinong ti House Bill No. 10365, saan laengen a pagay ken mais ti sakop ti crop insurance no diket karaman payen ti high-value crops, livestock, aquaculture ken fishery products, agroforestry crops ken forest plantations.
Mabalin pay ng iraman iti insurance dagiti makinarya, alikamen, transport facilities ken dadduma pay nga agricultural infrastructure, kasta pay ti life ken accidental term insurance para kadagiti mannalon ken mangngalap.
Gagem ti gakat a mapadaras a makabangon dagiti benepisyaryo manipud iti epekto ti bagyo ken dadduma pay a kalamidad, sakit ti mula, dingwen, kasta pay ti peste ken dadduma pay a pannaka-lugi.
