Nanayunan dagiti kalsada a naipasarra kadagiti motorista gapu iti agtultuloy a tudo nga epekto ti bagyo Kristine.
Segun iti Department of Public Works and Highways, umabot iti tallopulo ket dua a road section ti saan a madalanan.
Uppat a kalsada iti Cordillera Administrative Region, dua iti Region II ken III, innem iti Region IV-A, sangapulo ket pito iti Region V ken maysa iti Region VII gapu iti panagreggaay ti daga, layus, landslide, natwang a kayo, bato, debris ken rangtay.
Limitado met kadagiti bassit a lugan dagiti sangapulo ket uppat a road section: maysa iti Region III, uppat iti Region IV-A, siam iti Region V gapu iti soil/rock collapse, road collapse, ken layus.
Amin a national road ken rangtay kadagiti dadduma pay nga apektado a rehion ket passable kadagiti amin a klase ti lugan iti agdama.
