--Ads--
Pinasingkedan ti Philippine National Police a saan a mabalin a mayakar ken maibalud ni Senador Jinggoy Estrada iti PNP Custodial Center idiay Camp Crame, Quezon City.
Segun ken ni PNP Chief. Gen. Jose Melencio Nartatez Jr., saan a mayannatup ti nasao a pasilidad para iti pannakaibalud dagiti high-profile personality kas ken ni Estrada.
Kinunana a nabilinan ti Legal Service-da nga agsagana iti panagresponde ken panangilawlawag iti Sandiganbayan maipanggep ti nasao a banag.
Idi Mierkules ket kiniddaw ti kampo ni Estrada iti Sandiganbayan Fifth Division nga iyakar isuna manipod New Quezon City Jail idiay Payatas agturong iti PNP Custodial Center.
-- ADVERTISEMENT --
