Nagikkaten iti puesto ni Japan Prime Minister Shigeru Ishiba tapno maliklikan ti panagibingay iti uneg ti partidona a Liberal Democratic Party (LDP).
Ni Ishiba ket nagbalin a prime minister idi October 2024 ken indauluanna ti maysa a coalition iti nagbaetan iti LDP ken Komeito.
Iti panangidaulona ket napukawan ti majority iti agpada a lower ken upper chamber iti parliament iti coalition-na, ta narurod dagiti botante iti agtultuloy a panagpangato dagiti magastos iti pagilian.
Gapu dayta ket napukaw ti majority iti lower chamber idi October 2024 ken ti majority iti upper chamber idi July 2025.
Kalpasan a naabak idi Hulyo, kinuna ni Ishiba nga inawatna ti nadagsen a resulta iti eleksyon ngem inkeddengna nga agtalinaed kas prime minister.
Kabayatanna, nakaituding nga agbibinnotas ita nga aldaw dagiti miyembro ti LDP tapno mangngeddeng nu agsagana iti maysa nga extraordinary leadership election.
