Nguminan ti panagala iti visa para kadagiti agplamplano nga agbiahe idiay Japan kalpasan nga inwaragawag ti gobierno a lima a daras ti nguminaanna mangrugi inton Hulyo 1.
Iti salinong ti baro a fee structure, ngumina iti 15,000 yen wenno P5,580 manipud iti dati a 3,000 yen wenno P1,170 ti bayad para iti single-entry visa.
Umabot met iti 30,000 yen wenno P11,700 manipud iti 6,000 yen wenno P2,340 ti bayad para iti multiple-entry visa.
Inwaragawag ni Japanese Foreign Minister Motegi Toshimitsu ti addang kasaruno ti maysa a ministerial meeting a nangaprubar kadagiti panagbalbaliw iti regulasion iti visa fees ken dadduma pay a masingir.
Manamnama a sakupen ti baro a singir kadagiti amin a foreign national nga ag-apply para iti Japanese visa, agraman dagiti turista, estudiante, ken business traveler.
