Ivana Alawi, kwinestionna ti binilion a pisos a flood control funds

Nagpasagid ni Ivana Alawi iti isyu ti flood control projects bayat ti panagi-repack-na iti relief goods para kadagiti Pilipino a nalayus.

Iti post ni Ivana, kwinestionna ti binilion a pisos a pondo a nailatang iti flood control ket impaganetgetna a masapul nga adda solusyon iti parikut.

Dagiti relief packs ket adda pay nayonna a sangaribo a pisos iti tunggal maysa.

Sakbay daytoy, nairaman ti nagan ni Ivana iti kontrobersia iti maysa a gaming company a mwinelta ti Philippine Amusement and Gaming Corporation gapu iti iPhone giveaway-na.