VIGAN CITY – Pinasingkedan ni Police Major Dominador De Guzman, hepe ti Bangued, Abra municipal police station, nga adda ti report a naawat da inaig iti mapapati a panangtungpa ni dati a Bangued mayor Ryan Luna nga agpapili a mayor inton May 13 midterm election kadagiti tallo a tattao.
Segun ken ni de Guzman, mapapati a tinungpa ni Luna dagiti biktima ta inatap na nga adda iti vote buying a mapaspasamak iti uneg ti pagtaengan ni Bangbangar, Bangued, Abra Barangay chairman Loreno Laureta.
Nu agidarum dagiti biktima a da Drexell Festejo Bermudez nga agtawen iti uppat a pulo, Rolly Benosa Bernardez nga agtawen iti uppat a pulo ket innem kenni Jayrome Berras Bello nga agtawen iti tallo pulo ket dua, sumango ti suspek iti kaso nga slander by deed gapu ti inaramid na.
Naduktalan a dagiti tallo ket ikamkampanya da iti kalaban ni Luna a ni re-electionist Mayor Dominick Valera.
Ti agdama, al-alaen pay laeng ti Bombo Radyo Vigan iti statement iti kampo ti maak-akusaran nga agpapili a mayor inaig iti nasao nga isyu.
