VIGAN CITY – Nangbukelen iti Special Investigation Task Group ti Ilocos Sur Police Provincial Office tapno imbestigaran ti agsasaruno a pannakakita dagiti mangngalap iti probinsia kadagiti binilion a gatad ti shabu nga adda Chinese markings-na.
Iti pannaki-uman ti Bombo Radyo Vigan ken ni Police Provincial Director PCOL Darnell Dulnuan, idaulwanna ti task group kadua dagiti kameng ti Philippine Drug Enforcement Agency, Philippine Coast Guard, Maritime Police, Philippine Drug Enforcement Group, at Forensic Group a mangtutok no ania ti nagapuan dagiti bulto ti droga a timpaw iti kabaybayan.
Iti agdama, umaboten iti 81 packs dagiti shabu a naala nga agdagsen iti 80,961.40 grams ken aggatad iti nasurok kagudua bilion a pisos.
Maipalagip a nagsasaruno ti pannakasarak dagiti mangngalap manipud iti ili ti San Juan, Sta. Maria, Magsingal, ken Cabugao kadagiti shabu a dagus met nga impaimada kadagiti pannakabagi ti linteg.
Kabayatanna, ipaayan ti Ilocos Sur Provincial Government iti gunguna dagiti mangngalap a nangipama kadagiti pannakabagi ti linteg kadagiti naalada a shabu, malaksid pay ti ited ti Local Government Unit nga ayanda.
