Inlawlawag ni Dr. Roel Palo Anicas, College Administrator ti Ilocos Sur Community College a saan a pudno nga agik-ikkatda kadagiti empleadoda nangruna dagiti contract of service nga awan ti mayannatup a rason.
Dayta ket kalpasan nga adda nangireklamo iti nasao a pagadalan nga adda dagiti contractual teacher a naikkat.
Iti pannaki-uman ti Bombo Radyo Vigan ken ni Anicas, adda pagibasbasaranda a pagannurotan iti saandan a panangi-renew iti kontrata dagiti empleado.
Dayta ket pakairamanan ti unsatisfactory service, completion of projects, unavailability of funds, oversupply kadagiti empleado, ken dadduma pay.
Impaganetgetna pay nga adda napermaan a kontrata a nakailawlawagan dagiti kondision iti panagtrabaho iti nasao a pagadalan.
Mensahe ni Anicas kadagiti agrekreklamo nangruna dagiti mangdakdakamat a breadwinner-da ngem naikkatda iti trabaho a nasken koma nga impakitada ti napudno a serbisio ken panagayatda iti ISCC.
