Internal cleansing iti Blue Ribbon Committee, ipangruna ni Sen. Lacson

Impaganetget ni Senate President Pro Tempore Panfilo Lacson nga ipangrunana ti internal cleansing iti panangidaulona ti Senate Blue Ribbon Committee.

Dayta iti sarita ni Lacson kalpasan a nairaman ti staff ni Sen. Jinggoy Estrada iti panagkolekta iti pannakabagi para ti flood control projects, a nabigbig nga staff iti Blue Ribbon Committee.

Impaganetget ti senador a kasapulan a siguradoen a nadalus ti komite ta isu ti kangrunaan a bantay kontra kadagiti madi nga aramid iti gobierno.

Kayatna a maammoan nu agmaymaysa laeng ni Beng Ramos iti komite sakbay a simpaen ti operasyon ti Blue Ribbon.

Maipalagip a nagbalin a hepe ti PNP ti senador ket indauluanna ti internal cleansing tapno mapagtalinaed ti integridad iti kapollisan.