Imbilinen ni Presidente Ferdinand Marcos Jr ti imbestigasyon mainaig iti ‘installation ken ‘procurement’ ti bollards wenno vehicle barriers iti Ninoy Aquino International Airport Terminal 1.
Dayta ket kasaruno ti napasamak nga aksidente a nakatayan dagiti dua a tattao iti nasao nga airport.
Kinumpirmaran ni Presidential Communications Office Usec ken Palace Press Officer Claire Castro a ti bollards, a saanna a napasardeng ti SUV a nangdungpar kadagiti tattao iti ruar ti Terminal 1, ket naikabil idi 2019 babaen iti administrasyon ni dati a Presidente Rodrigo Duterte ken iti salinong ti liderato ni dati a Transportation Secretary Arthur Tugade.
Gapu dayta, binilin ti presidente dagiti maseknan nga ahensia ti gobierno nga imbestigaran ti ‘procurement process, ken kitaen no dagiti specifications a naaramat iti pannakaikabilna ket mayannatup iti safety standards.
