Innem manipod sangapulo ket pito a Filipino crew member iti ill-fated MV Majic Seas iti nakasublin iti Pilipinas kas kinuna ti Department of Migrant Workers (DMW).
Simmangpet ti chief officer, end officer ken 3rd officer iti ship idiay Ninoy Aquino International Airport Terminal 1 idinto a dagiti dadduma ket limmapag idiay Clark International Airport.
Nakaawat dagiti seafarer ti financial assistance nga aggatad ti sag-P75,000 manipod AKSYON Fund iti DMW ken Emergency Repatriation Fund iti Overseas Workers Welfare Administration (OWWA) ken sag-P10,000 manipod Department of Social Welfare and Development (DSWD).
Naipaayanda pay ti hotel accommodation ken transportation assistance tapno masigurado a natalgedda nga agsubli iti pamiliada.
Immunan nga impakaammo ti DMW a nakapanaw dagiti Filipino seafarer ken dua pay a crew member manipod ti Liberian-flagged vessel a naglugananda nga inatake iti mapapati a Houthi rebels.
Ti Majic Seas ket adda iti limapulo ket maysa a nautical misles bagatan a laud iti Hodeidah, Yemen idi inatake dagiti lallaki a nagikot iti rocket-proppelled grenades ken automatic firearms.
