--Ads--
Bimmuntog ti 0.9% ti inflation rate iti Pilipinas idi July 2025 kas pinasingkedan ti Philippine Statistics Authority, nababbaba ngem 1.4% idi Hunyo ken 4.4% iti isu met la a panawen idi napan a tawen.
Segun ti PSA, maysa kadagiti rason ti panagbaba ket ti nabunbuntog a panagngina ti presyo ti pabalay, danum, kuryente, gas ken dadduma pay a fuel a 2.1% manipod iti 3.2% idi Hunyo.
Bimmaba pay ti presyo ti taraon ken non-alcoholic beverages ta nairekord ti 0.2% annal decrease idinto a ti transportasyon ket napaspaspas iti panagbaba iti 2% manipod dati a 1.6%.
Gapu dayta ket ti average inflation manipod Enero aging Hulyo ket 1.7% a nakastrek iti target a 2% agingga 4% iti gobierno para iti tawen 2025 agingga 2028.
-- ADVERTISEMENT --
