--Ads--
Bimmuntog ti 6.2% ti inflation rate iti pagilian idi Hulyo 2026 kas pinasingkedan ti Philippine Statistics Authority (PSA).
Segun ti PSA, nababbaba dayta nu yarig iti 6.4% a nairekord idi bulan ti Hunyo.
Iti baet iti panagbaba, nangat-ngato latta dayta nu yarig iti 0.9% nga inflation rate idi July 2025.
Ti kangrunaan a rason ti panagbuntog ti inflation ket ti nabuntog a panagpangina ti presyo iti transportasyon, a bimmaba iti 11.9% manipod 12.8% idi Hunyo.
-- ADVERTISEMENT --
Nakatulong pay iti panagbaba ti inflation ti nabunbuntog a panagpangina ti presyo iti education services a 1.9% manipod 4.0%, ken ti restaurants ken accommodation services a 6.8% manipod 7.0%.
Kabayatanna, umabot met iti 5.0% ti average inflation manipod Enero agingga Hulyo ita a tawen.
