Nakikadua dagiti dua nga independent senators iti Minority Bloc sakbay a nag-convene ti Senado kas impeachment court.
Pakairamanan daytoy da senador Juan Miguel Zubiri ken senador JV Ejercito.
Inlawlawag ni Zubiri a ti panag-abstain na ket idi napalabas a panag-botos iti liderato ket tapno maaddaan ti kinawaya nga agbotos kadagiti napapateg nga isyu iti publiko, ngem kayat na a maibilang iti Senate Minority Bloc no maipapan iti organisasion.
Pinasingkedan met ni senador JV Ejercito a ti independence na ket tapno maaramid na a nalaing ti responsibilidad ken dagiti programa.
Pinili ni Ejercito a mairaman iti Minority bloc idi sinaludsod isuna ni Senate President Alan Peter Cayetano no agtalinaed isuna nga independent wenno iti minority.
Iti agdama sangapulo ket maysa a miembro ti minority bloc idinto a sangapulo ket tallo ti miembro iti majority bloc.
Ni senador Vicente Sotto III ti tumaktakder a Minority leader idinto a ni senador Joel Villanueva ti acting Majority leader.
