VIGAN CITY – Saan unay a nakabutbuteng ditoy Daegu City, South Korea ngem manmanu laeng dagiti tattao a makita iti ruwar, dayta iti pinasingkedan ni Bombo International Correspondent Hope Bagundol Choi a taga- Pasay City ngem sangapulo ket maysan a tawen nga agtrabtrabaho idiay Daegu City.
Dayta ket maikaniwas kadagiti sumagmamano a report nga agpanpanic ken nakaro iti panagbuteng dagiti tattao idiay Daegu gapu ti coronavirus disease 2019.
Segun ken ni Choi, dagiti laeng pagsapulan iti makita na nga apektado iti nasao a sakit ta adda dagiti kompanya a kimmapsot iti pastrek da ken manmanu payen dagiti sumsumrek iti trabaho da.
Innayon na a nu idi ket adu dagiti tattao idiay Incheon International Airport a maysa kadagiti kadakkelan ken makumikom unay nga airport iti intero a lubong, itan ket manmanu laengen dagiti pasahero nga as-asikasoen ti nasao nga iaport gapu ti COVID- 19.
