Impanetget ni Iglesia ni Cristo spokesperson Edwil Zabala a ti naangay a National Rally for Peace nga inatendaran iti mapattapatta a 1.8 million a tattao idiay Manila ken kadagiti sangapulo ket tallo a lugar iti intero a pagilian ket saan a politically motivated, no di ket moral purpose a mangi-promote ti peace ken unity.
Segun kenni Zabala, a saan a pulos nga nag-endorso ti INC ti aniaman a kandidato iti politika ken silulukat ti rali kadagiti amin a nangibingay iti mensaheda.
Ti nasao nga aktibidad ket nangitunda ti pannakasuspenso ti trabaho ken klase idiay Manila ken Pasay.
Sumagmamano a politiko ti immatendar, ngem inyunay-unay ni Zabala nga awan ti naawis a politiko a nagsao wenno nangibingay ti mensahe da.
Gagem ti rali, a maallukoy dagiti opisial ti publiko a mangipamaysa iti panagserbida iti umili.
